لعبة درايف كلوب (DriveClub) راح ينزل لها تحديث اليوم، التحديث راح يكون رقم 1.14 وراح يضيف حدث جديد اسمه Startline Tour و راح يكون هذا الحدث مجاني للجميع.
كتب المطور Evolution Studios على صفحته الخاصة في موقع فيسبوك: “Startline tour راح يكون متاح بشكل مجاني وراح يقدم 11 سباق داخله و 45 مهمة، هذا الحدث راح يحتوي على محتوى متنوع ومتوازن و هو مبني على اكثر السباقات المشهورة و الممتعة الموجودة حاليا في اللعبة”
التحديث ايضا راح يهيئ اللعبة للاضافات الجديدة اللي راح تنزل خلال هذا الشهر وهي اضافتي Turbocharged Tour Pack و Evolution Tour Pack، اذا عندك السيزون باس تبع اللعبة راح تقدر تنزل الاضافات هذي بشكل مجاني، الاضافات راح تحتوي على سباقات، سيارات وشعارات جديدة بالاضافة لسيارة Dodge Charger SRT8.
اذا ماودك تشتري اي اضافة راح تنزل لك سيارات مجانية وهي سيارة Rimac Automobili Concept One اللي راح تنزل خلال هذا الشهر بشكل مجاني و سيارة Ferrari LaFerrari اللي راح تنزل لكن تحتاج منك انك تخلص طور Ferrari accolade للحصول عليها. التحديث راح يضيف اعادات في سباقات الاونلاين، خيارات اضافية للصوت وتعديلات بسيطة وتحسينات للعبة.
ايضا المطور يوعد اللاعبين بان اللعبة راح يتم دعمها وتحسنيها في المستقبل بحيث انها راح تضيف سيرفرات جديدة، و راح تضيف رتب (Ranks) في اللعبة و يقول المطور ان اشياء كثيرة غيرها في الطريق جاية.
تحديثات جميلة و ميزتها ان اغلبها مجانية، اعتقد ان اللي شرا اللعبة كسبان فيها و المطور اعطى اللاعبين اشياء ما كانوا يتوقعوها في نظري.
وش رأيكم بدعم سوني للعبة على الرغم من بدايتها السيئة؟
