تذكرون درايف كلوب؟ لعبة السيارات اللي أطلقتها سوني قبل فترة طويلة، وأصابتها الكثير والكثير من المشاكل اللي ممكن نكتب عنها مقالات طويلة، واللي قدرت سوني تعدّل غلطتها معها وفعلًا قدرت ترضي أغلب اللاغبين في نهاية الأمر.
الأهم من هذا كله، ان سوني وعدت باطلاق نسخة خاصة مجانية لاصحاب بلايستيشن بلس مع اطلاق اللعبة، لكن تم الغاء النسخة بسبب المشاكل اللي مرت فيها اللعبة. اليوم أعلنت سوني ان النسخة المجانية لاصحاب بلايستيشن بلس بتنزل أخيرًا.
بتنزل اللعبة في متجر بلايستيشن بتاريخ 25 من هذا الشهر، اللي هو بكرة.
النسخة هذي تختلف طبعًا عن النسخة الكاملة، نسخة بلايستيشن بلس تقدر تقول انها نسخة “مخفّفة” وتنقصها عناصر معينة، تقدر تشتريها اذا اقتنعت باللعبة وحسيت انها بتعجبك.
بالنسبة لاطلاق اللعبة، فراح يتم اطلاقها على متجر بلايستيشن، ولكن بتنزل اللعبة بدون أطوار الأونلاين. أطوار الأونلاين بتشتغل بشكل دوري، ممكن تشتغل معك بعد يوم أو ممكن أكثر بكثير، على حسب. سوني ناويه تدخل الناس لأونلاين اللعبة بالدور بحيث ما يصير ضغط على السيرفرات.
سوني اعتذرت بخصوص الانتظار الطويل للعبة، يقول شوهي يوشيدا مدير ستديوات سوني العالمية:
” حنا نعرف ان فترة الانتظار الطويلة هذي كانت مزعجة، لكن انكم تتفهمون اننا نحتاج خطوات احتياطية عشان نضمن لكم تجربة أفضل (يتكلم عن أطوار الأونلاين). حنا نبي نتأكد ان أطوار الأونلاين ما تتأثر وتتعطل على الجميع”.
” حنا لازم نتخذ الخطوة الاحتياطية هذي لان عنصر الأونلاين في درايف كلوب هو عنصر مهم فيها. شكرًا لكل شخص وقف مع درايف كلوب خلال السنة اللي راحت”.
أجل أخيرًا نزلت نسخة أصحاب بلايستيشن بلس. وش رأيكم؟
