من الالعاب القديمة في تاريخ الالعاب لعبة دوم (Doom)، اللعبة تم اطلاقها قبل حوالي 22 سنة. وبعد كل هذي السنين افتكروا مصممين المودز ان يضيفوا مود (تعديل على اللعبة) اسمه انستا دوم (InstaDoom)، هذا المود يحتوي على 37 فلتر من فلاتر برنامج انستقرام. وكمان اضافوا عصاية السيلفي للعبة. كل هذا متوفر مجانا في موقع دوم ورلد (Doom World).
اول ماتحط الفتلر باللعبة يتبدل المنشار اللي في اول مرحلة تلقائيا الى عصاية سيلفي، هذا غير ان صانعة الفلاتر اسمها لينقويشيا (Linguicia) بدلت بعض الاشياء اللي في اللعبة بعصاية السلفي و كل ماتاخذ العصاية وتجي تصور نفسك باللعبة تلقى خلفك مجسم لراس تشبه راس الثور وتلقى البطل يسوي شكل غريب عن هذا المجسم.
خبر غريب و تحس مصممين المودز وصلوا لمرحلة صعبة من الطفش عشان يسووا اضافة زي كذة، لكن شيئ احسن من لا شيئ واللي ببلاش مانرده.
اش رايكم بالخبر وهل لعبتوا اللعبة قبل كذة؟
