ناشر الألعاب Devolver زعلان من كثر ما يطلبون منه الناس انه يتحول الى تطوير ألعاب مجانية

في مقابلة مع واحد من المسؤولي في شركة نشر الألعاب ديفولفر (ناشر ألعاب رهيبه مثل هتلاين ميامي ولوفتراوزرز)، تكلم جريمي ستروذرز عن انزعاجه من كثر نصح الناس له بالتحوّل من الألعاب المدفوعة في الألعاب المجانية.

يقول ستروذر، بأسلوبه العفوي بزيادة: “وصلت معي من كثر ما يقولون الناس ان الألعاب لازم تصير مجانية، أو ألعاب مجانية داخلها مشتريات داخل اللعبة (in-app)، وان الأجهزة المنزلية ميتة. حضرت حفل توزيع جوائز BAFTA في مرة من المرات، ولقيت اللي هناك كلهم يعطون محاضرات عن ليش ما تخلّي لعبتك مجانية، وأنا وقتها أقول في نفسي: تباً لكم” (تم تشفير تباً لكم بالانجليزي واتبعنا أسلوب التلفزيون :))

دافع ستروذرز عن الأجهزة المنزلية، يقول: “الأجهزة المنزلية ماهي ميتة. لا زلت أشوف ان سالفة اني أشغل الجهاز المنزلي حقي وأجلس ألعب كتجربة مختلفة عن أي شي ثاني”.

رائع كلام الرجل، بغض النظر عن عصبيته ومقدار السب اللي قاله في المقابلة.

وش رأيك أنت، هل أنت مع التحوّل للألعاب المجانية، ولا تبغاها تبقى مدفوعة؟