محمد الشريف
بعد فترة من عدم الوضوح والكلام الكثير حول اللعبة، تكلّم اليوم المطوّر Eidos Montreal عن لعبته الجديدة ديوس إكس يونيفيرس ووضّح بعض النقاط الأساسية للعبة.
أولاً، استعرض المطوّر محرّك اللعبة الجديدة، واللي اسم DAWN ENGINE وحطّوا صورة وحدة، اللي هي صورة الموضوع.
من أهم الأشياء اللي افترضوها الناس عن اللعبة، انها بتكون لعبة MMO (لعبة أونلاين يلعبها عدد كبير من الناس) بما ان اسمها يونيفيرس، واللي تعني مجرّة بالعربي. يقول المطوّر:
“مثل ما تتصورون، محرك دون بيصير الحجر الأساس لكل مشاريع ديوس إكس يونيفيرس. بعضكم افترض ان اللعبة بتكون MMO بما ان اسمه ممكّن يلمّح لشي كذا، لكني أقول لكم ان هذا كلام ماهو صحيح. اللعبة ما راح تكون لعبة MMO”.
تكلّم برضه عن كلمة “يونيفيرس” وانها ماهي بالضرورة تكون اسم اللعبة، ولكنه اسم العالم الخيالي الجديد اللي كوّنوه.
يبدو ان المطوّر فخور بالمحرّك الجديدة، يقول:
“في الماضي، كنا نستخدم محركات تطوير ألعاب موجودة، ولقينا ان نظرتنا في تطوير الألعاب صارت محدودة بسبب المحركات اللي استخدمناها. جا الوقت اللي نكوّن فيه المحرّك الخاص فينا واللي نقدر نوظفه حسب احتياجاتنا في التطوير”.
مدح المطوّر المحرك الجديدة مدح كبير، وقال ان المحرك هذا يعتبر بداية مرحلة جديدة بالنسبة لهم.
في نهاية التدوينة، ذكر المطوّر انه ما يبغى يعطي تفاصيل أكثر من كذا.
وش رأيك في كلام المطوّر؟
احمد خالد
أيمن اليغشي
بارعة