خلال اليومين اللي راحت بدأ التحميل المسبق للعبة ديستني، واليوم Bungie مطورين اللعبة أعلنوا عن موعد تشغيل سيرفرات اللعبة.
بتشتغل السيرفرات يوم الاثنين الموافق 8-9-2014 الساعة 3 العصر. قبل اطلاق اللعبة بيوم واحد.
فيه كثير من اللاعبين واجهوا مشاكل في تحميل اللعبة، بعضهم يقول ان بعض الملفات فشل تحميلها، أو غيرها من المشاكل. اذا تبي تعرف ان اللعبة تحملت أو لا، شف عندك في مكتبة الألعاب المفروض انك تلقى ملف اللعبة موجود، اضغط options بعدين اختر information وبتلقى حجم اللعبة الفعلي على جهازك. اذا كان مكتوب completed جنب كلمة حجم اللعبة (size) فمعناته ان التحميل اكتمل (ولو ان احتمال ينزل ملف ثاني يكمل اللعبة بعدين)، واذا كان حجم اللعبة يزيد كل شوي فمعناته انها تتحمل طبعاً.
اذا واجهت مشاكل في التحميل ولا لقيت لها حل بامكانك تعلمنا عنها في التعليقات، وبنحاول نلقى لك حل.
