اخيرا بعد ماوعدنا ستديو بنجي (Bungie) من شهر او اكثر عن تحديثهم الجديد والرهيب. اعلنوا اليوم بتويتر ان اطلاقه اليوم. التحديث رقم 1.1.1 التحديث راح يجبر اللاعبين من الخروج من اللعبة وتسجيل الدخول مرة ثانية لتحميل التحديث.
التحديث كتبنا عن ميزاته الكبيرة. راح يعدل ثلاثة اشياء رئيسية. كتبنا انه راح يعدل بعض الاسلحة و قوتها وخصائصها. ايضا كتبنا عن اضافة البحث عن لاعبين اذا جيت تلعب المهمات الاسبوعية (Weekly Heroic Strike). ايضا راح يعدلوا القوائم الرئيسية واخيرا راح تقدر تشوف لفلك في الفانقارد وماشابهها من التصنيفات اللي تقدر تلفلها. يعني بلغة اللعبة تقدر تشوف الreputation level في الفانقارد او الديد اوربيت او غيره من التصنيفات في القائمة الرئيسية تبع اللعبة بدون ماتضطر انك تروح التاور وتروح لنفس راعي التصنيف وتشيك على لفلك. واخر شيء راح يسووه بالتحديث هو تعديل مشكلة تقليل ذخيرة الاسلحة الثقيلة مثل البازوكة وغيرها اذا مت وهذي مشكلة كان كثير من اللاعبين يشتكوا منها بسبب ندرة هذي الذخائر وتكلفتها الغالية اذا تبغا تشتريها والاهم من ذا كله ان مو من العدل انك تقلل ذخيرتي عشان مت.
التحديث راح يحتوي على مشكلة بسيطة في سلاح اسمه فيكس (Vex) وهي ان ذخيرته قليلة وبرروا ان السبب هو ان السلاح مصنف كفيوجن رايفل. للتوضيح فيوجن رايفل فئة لاسلحة تشحن قبل ماتطلق الرصاصة لكن الفيكس سلاح خارق لهذي الفئة بحيث انه مايشحن ويطلق بشكل سريع كانه رشاش. على العموم بنجي وضحت انهم راح ينزلوا تحديث لحل هذي المشكلة.
ايضا عدلوا مشكلة ان بعض الاسلحة الاوتو توقف من حالها وانت تطلق. مثل السلاح المعروف فيجن اوف كونفلنس (Vision of Confluence) احيانا وانت تستخدمه وبتطلق ورا بعض فجأة يوقف بدون سبب.
صراحة تحديث ضخم جدا و منتظره شخصيا منيوم اعلنوا عنه. راح يفك ازمات يارجل!
اش رايكم بالتحديث وهل راح يرجعك للعبة اذا تركتوها؟
