محمد الشريف
أعلن مطوّر لعبة Bungie عن موعد اطلاق الاضافة القادمة، واللي بيكون اسمها House of Wolves. تكلمنا عن الاضافة هذي في خبر سابق، لكن اليوم كشف المطوّر Bungie عن بعض المعلومات المهمة للاضافة.
اليوم بيكون فيه بث مباشر للمطوّرين اليوم الأربعاء الساعة 9 الليل بتوقيتنا، بيطلقون فيه معلومات بالتفصيل عن الاضافة القادمة. لكن هذا ما منعهم انهم يطلقون فيديو فيه تلميحات للأشياء اللي بيتكلمون عنها:
فيه بعض المعلومات اللي طلعت عن الاضافة، هذي هي:
- رفع المستويات (level) الى 34، واحتمال يكون أعلى من كذا. أعلى ليفل موجود الآن هو 32.
- بيكون فيه مكان اجتماعي جديد تقدر تبيع وتشتري فيه وتاخذ مهمات، مثل Tower بالضبط.
- بيكون فيه شخصيات جديدة.
- بيكون فيه أسلحة وأدوات جديدة.
تقريباً أكثر المعلومات تكلمنا عنها من قبل، لكن يبدو ان بنجي ما يبغون يعطونا المعلومات كلها، وناوين يطلقونها كلها في البث المباشر اللي بيصير اليوم.
عموماً، متى ما صار البث المباشر وطلعت المعلومات بشكل كامل بنجيبها لكم ان شاء الله 🙂 وش توقعاتكم للاضافة؟
بارعة
احمد خالد
