ستديو بنجي (Bungie) المطور للعبة ديستني (Destiny) سوا حملة خاصة بضحايا دولة نيبال لجمع التبرعات لهم من اللاعبين، اليوم اعلن لنا الاستديو انهم قدروا يجمعون مليون دولار من المتبرعين.
طريقة الدفع كانت عن طريق بيع ملابس في شعارات لعبة ديستني و ايضا بيع قطع داخل اللعبة بفلوس ياخذها المطور ويتبرع بها. ايضا شركة اكتيفيجين (Activision) ناشرة لعبة ديستني تبرعت ب50,000 دولار.
بنجي الان راح تحول الفلوس للجهة المختصة بالتبرعات وهي منظمة اسمها دايريكت ريليف (Direct Relief)، توماس تايق (Thomas Tighe) الرئيس التنفيذي لمنظمة دايركت ريليف كان متفاجئ من هذي التبرعات.
قال توماس: “في دايركت ريليف نحن ممتنين جدا للمتبرعين، تعجز الكلمات عن وصف امتناننا لكم، خصوصا للمتبرعين من مجتمع بنجي و اللي كان دعمهم رائع جدا، راح نحول التبرعات القادمة من بنجي مباشرة لمساعدة الناس في نيبال”
كمل توماس وقال :”كل قرش راح يفرق ويساعد ناس محتاجين للفلوس وبعضهم محتاجين مساعدة من قبل حدوث الكارثة”
فكرة رائعة كانت من بنجي و هذا الشيء يدل على تفاعل اللاعبين مع المطور، صراحة بنجي من افضل المطورين اللي يتهم باللاعبين، الاستديو همه الاول اللاعب و يبغا اللاعب يلعب تجربة عادلة مع جميع اللاعبين.
بنجي ايضا اعطوا تلميحة انهم راح يحضرون معرض E3 القادم ويقولون بعض الاشياء عن ديستني، ننتظر ونشوف اش راح يقولون.
