باحثين في مؤسسة علمية تقنية في ولاية جورجيا الأمريكية قدروا يكّونون نظام حاسوبي قادر على تكوين مراحل بسيطة من الألعاب الكلاسيكية لماريو، وهذا كله يتم من خلال مشاهدة الكمبيوتر للمرحلة نفسها!
طريقة عمل الكمبيوتر أو الحاسوب هذا هي انك تشغل له مرحلة من مراحل ماريو، وهو يتابعها ويدرسها ويحاول يفهمها، بعدها يبدأ يكوّن مراحله الخاصة فيه واللي تكون مقاربة وتستخدم نفس العوائق اللي شاهدها في الفيديو.
الحاسوب هذا قادر على تحليل الجدران والعوائق والأعداء وأماكن النقز، وبعدها يبدأ يحللها عشان يعرف وش العناصر اللي يقدر يستخدمها في تكوين مراحله الخاصة.
يقول الباحثين انهم يأملون ان الحاسوب هذا بيساعد مطوري الألعاب في تكوينهم للمراحل اللي يتم تكوينها بشكل إجرائي، بحيث يقدرون المطورين يبرمجون الحاسوب ويعطونه بيانات، وبناءً على هذي البيانات يقدر يكوّن لهم مراحل.
وش رأيكم بالفكرة؟
