أعلن قبل شوي المطوّر Bungie عن نيّته في اصلاح كل -أو معظم- الأخطاء التقنية في اللعبة، خصوصاً اللي يستغلونها اللاعبين في انهاء المهمات بسرعة.
التحديث بيصلح أشياء كثير، وبينزل خلال الأسبوع الجاي. أهم الاصلاحات بتكون الخطأ التقني اللي يستغلونه اللاعبين في انهاء مهمة raid الجديدة اللي جات مع اضافة The Dark Below. مختصر الخطأ التقني هذا: قائد الفرقة اللي تقاتل يفصل سلك الانترنت اذا وصلوا نهاية المهمة، بعدها يصير خطأ تقني في اللعبة يخلّي الزعيم يطيح في الأرض ولا يرجع يقوم، ويطبّون عليه الفريق ويضربونه الين ما يموت. برضه بيصلحون خطأ تقني ثاني يقال ان بعض اللاعبين يستغلونه في استخدام سيفين في نفس الوقت.
بالاضافة الى هذا، أعلنت بنجي انها ناويه تصلّح نظام المكافأة في اللعبة، بحيث اذا قدرت تقتل شخصية باسم Ir Yut فراح تحصل اما على سلاح أو درع من نوعية exotic (أعلى شي) أو قطع خاصية بالشخصية حقتك، أو مواد من نوع radiant (تحتاجها في التطوير مع الاضافة الجديدة).
أخيرًا، حدث Iron Banner بيرجع من جديد وبيكون نظام المكافأة فيه أفضل من قبل. بيصير لحدث هذا من يوم 15-1-2015 الى 19 من نفس الشهر.
تكلّمت بنجي عن اضافة مستوى صعوبة Hard في لمهمة الـraid الجديدة، وقالت انها تشتغل عليه حالياً ولا قالت أي تاريخ اصدار له. لذلك بننتظر الين ما يعلنون التاريخ.
وش رأيك في التحديث؟
