كثير من اللاعبين يتساءل ليش ما يقدرون لاعبين ديستني على بلاي ستيشن 3 انهم يلعبون مع لاعبين بلاي ستيشن 4، أو لاعبين اكس بوكس 360 مع اكس بوكس ون. اليوم المطوّر Bungie اليوم يجاوب على هالسؤال.
يقول واحد من المهندسين في بنجي، روجر ولفسون: “أصحاب بلاي ستيشن 3 بيواجهون نقطة سلبية، وهي كون اللاعب اللي يلعب على بلاي ستيشن 4 يبعد عنهم بمسافة 2 بيكسل على الشاشة، بينما هم يبعدون عنه بمسافة 4 بيكسل. هذي الشي موجود في عالم البي سي، بحيث تشوف اللاعبين دائماً يحرصون انهم يشترون أفضل كروت شاشة عشان يكسبون هذي الأفضلية”.
تكلم ولفسون برضه عن الفروقات في البيتا ما بين نسخة بلاي ستيشن 4 واكس بوكس ون، وهي انها تشتغل بوضوح 1080p على بلاي ستيشن 4 بينما اكس بوكس ون أقل. يقول ولفسون: “بغض النظر عن الحقيقة، اللاعبين من جد يعتقدون ان الجهاز اللي مواصفاته أقوى هو الجهاز الأفضل”.
بيتا ديستني تشتغل بوضوح أقل على اكس بوكس ون، لكن بنجي أعلن ان النسخة الكاملة للعبة ديستني على اكس بوكس ون راح تشتغل بنفس دقة ووضوح بلاي ستيشن 4.
وش رأيكم في كلام ولفسون؟
