محمد الشريف
اذا ما كنت متابع أخبار لعبة ديستني، في معرض E3 2015 تم الاعلان عن نسخة Destiny The Taken King، وهو اصدار للعبة يحتوي على كل المحتويات اللي نزلت للعبة خلال السنة الماضية، بحيث يقدر اللاعبين الجديدين يشترون هذا الإصدار ويحصلون على كل شي ويقدرون يلحقون اللاعبين اللي دخلوا قبلهم.
المشكلة اللي صارت، هو ان النسخة هذي تحتوي على بعض المحتويات الحصرية اللي ممكن تكون بسيطة بالنسبة لك، لكن اتضح انها تعني الكثير للاعبين ديستني القدماء. فيه محتويات حصرية مثل emotes (حركات معيّنة تسويها الشخصية مثل الرقص او التأشير باليد وغيره) لنسخة ذا تيكن كينق، بالاضافة الى محتويات ثانية حصرية مثل أسلحة أو دروع وغيره.
عشان توضح الصورة، صاروا لاعبين ديستني القدماء مضطرين يشترون نسخة ذا تيكن كينق (على الرغم من انهم يمتلكون أغلب المحتويات اللي فيها أساسًا) عشان يحصلون على محتوياتها الحصرية.
اليوم مطوّر اللعبة طلع واعتذر عن اللي صار، وبشّرنا بأخبار جميلة. محتويات اضافة ذا تيكن كينق راح يتم بيعها بشكل مستقل، في حال كنت تبغى تشتري بعض من المحتويات.
” أنا آسف. قريت مقابلتي مع يوروجيمر (المقابلة اللي أثارت سخط اللاعبين) وجالس أتخيل ان الكلام هذا طلع من شخص أحمق. الشخص الأحمق هذا هو أنا” يقول Luke Smith من ستديو تطوير بنجي، يقولها بأسف طبعًا.
على كذا، انحلت المشكلة. المحتوى الحصري اللي كان مخطط ينزل مع تيكن كينق بيصير متوفر للكل.
بارعة
احمد خالد
