Saudi Gamer
من أهم أنواع الألعاب، وفي هذا النوع من الألعاب غالباً يكون اللاعب مطالب بالتخفّي والاختباء وعدم التهوّر. وهذا النوع له مكانة خاصة في سعودي جيمر!
Lone Survivor هذي السنة -على الأجهزة المنزلية- قدمت لنا تجربة تخفّي خرافية، بحيث يحطونك في عالم مظلم مرعب مليان وحوش وانت فعلياً ما عندك الا كم رصاصة، وكل رصاصة ما تستخدمها الا وأنت حاسب لها ألف حساب. بالاضافة الى نقص الرصاص،
الاسعافات والأدوية اللي معك قليلة جداً، وهذا سبب ثاني يخلّي اللاعب يتجنب الوحوش ويضطر لاستخدام أساليب التخفي، واللعبة كلها تم تصميمها بحيث يقدر اللاعب انه يتجاوز الوحوش بدون ما يشوفونه.
Assassin’s Creed IV: Black Flag السنة هذي قدمت لنا تجربة تخفّي ممتازة جداً اذا ما قارناها بالأجزاء اللي راحت. أساسنز كريد هذي السنة قدمت عناصر تخفّي رائعة بحيث تم تصميم اللعبة بشكل كامل للتخفي: أشجار وحشائش تندس فيها، تطلع فوق المباني وتنتقل بينها، تدخل بين الناس بحيث تندمج معهم، وغيرها الكثير.
هذي العناصر كلها كانت موجودة في الأجزاء اللي قبل، ولكن ما كنا نحس ان تم تصميمها بشكل ممتاز، لكن في هذا الجزء صار بامكان اللاعب انه يكون متخفي في كل المهمات!
Monaco: What’s Yours is Mine قدمت تجربة تخفّي ممتازة جداً. وهي تقديم عدة شخصيات تختار منها، ولكل شخصية ميزة تساعده في أداءه، مثل سرعة فك أقفال البيبان، أو القدرة على رؤية الأعداء من بعيد، وغيرها. الرهيب في اللعبة ان كل اللاعب ما يقدر يشوف خارج منظور رؤية الشخصية اللي يلعب فيها -باستثناء شخصية وحدة-، عكس كل الألعاب اللي تسمح للاعب انه يشوف آخر المرحلة بينما الشخصية اللي يلعب فيها واقف في بدايتها.
ولكن Splinter Cell: Blacklist قدمت لنا أفضل تجربة تخفّي بين هالألعاب كلها. سلسلة سبلينتر سيل معروفة بأنها لعبة تخفّي من الأساس، وفي هذا الجزء قدمت لنا أفضل تجربة تخفّي. تصميم المراحل بحيث يمديك تتسلل من أول المرحلة الى آخرها، أدوات رائعة تستخدمها في التخفّي، حتى سام فيشر صار عنده حركات كثيرة تساعده على التخفّي بشكل أفضل، مثل اصدار أصوات للأعداء بحيث يطلعهم من أماكنهم، أو طريقة مضارباته معهم بشكل متخفّي، وغيرها الكثير. ولا ننسى أهم شي، وهي اللعب في الطور التعاوني على طريقة سبلينتر سيل!
كل هالأسباب خلتنا نختار سبلينتر سيل كأفضل لعبة تخفّي لهذي السنة.
وش رأيك في Splinter Cell: Blacklist؟ ووش أفضل لعبة تخفّي لعبتها هذي السنة؟ شاركنا رأيك في التعليقات!
