زادت شكوك اللاعبين بخصوص لعبة باتلفيلد وانها بتصير تنزل بشكل سنوي مثل كول أوف دوتي، بعد ما أعلنت EA ان جزء جديد من السلسلة بينزل في شهر أكتوبر من هذي السنة، وان قبلها بسنة نزلت باتلفيلد 4. اليوم صرحت EA بخصوص هذا الموضوع وقالت انه “ماهو شرط” انها تنزل بشكل سنوي.
يقول سودرلند نائب مدير استديوات EA: “ماهو شرط ان باتلفيلد بتصير تنزل بشكل سنوي، وهذي طريقتنا اللي ماشين عليها ولا بنغيرها. شركة EA اللي أساهم في بناءها ما راح تكون الشركة اللي تنزل ألعابها بشكل سنوي”. برضه قال ان هاردلاين بتنزل لان المطوّر يبغى يسوي هاللعبة، مو عشان مضغوطين من الشركة.
ممكن الخبر هذا يكون مطمئن شوي بالنسبة للاعبين اللي ما يحبون الاطلاق السنوي للألعاب واللي يعتبرونها حلب للسلسلات الناجحة.
وش رأيك في كلام EA، هل تشوف انه مجرد كلام تسويقي يسكتون فيه اللاعبين ولا ما تشوف انهم بينزلون باتلفيلد بشكل سنوي؟
