أطلق ستديو تطوير Gearbox (مطوّر سلسلة Borderlands) فيديو مدّته 20 دقيقة للعبته القادمة باتلبورن، واللي بتكون لعبة تعاونية مثل لعبة بوردرلاندز.
عدد اللاعبين اللي يلعبون مع بعض 5 لاعبين. اذا كنت تحب الألعاب التعاونية اللي تلعبها مع أخوياك، فهذي بكل تأكيد لازم تشوفها.
اللعبة، مثل بوردرلاندز، مليانه ضحك واستهبال. طريقة الرسوم نوعًا ما مشابهة لرسوم بوردرلاندز برضه، بحيث تحس ألوان اللعبة فاقعة شوي، بالاضافة الى انها مرسومة بأسلوب cell-shaded.
الجيّد في الفيديو انه يعرض لك طريقة اللعب لأكثر من شخصية، عشان تاخذ فكرة أعمق عن شخصيات اللعبة اللي ممكن تلعب فيها وقت صدورها.
وش رأيكم بالفيديو، وهل تشوفون انها ممكن تنجح مثل نجاح بوردرلاندز؟
