شركة اتاري (Atari) راح تطلق برنامج خاص لها لاجهزة الاندرويد وال iOS اسمه اتاري فيت (Atari Frt).
هدف البرنامج هو تحفيز اللاعبين عشان يصيرون صحيين اكثر. كيف راح تحفزهم؟ الجواب هو ان البرنامج راح يطلب منك تسوي رياضة معينة تكسب من خلالها نقاط ومن هذي النقاط راح تقدر تفتح العاب الاتاري الكلاسيكية مثل لعبة بونج (Pong)، سوبر بريكاوت (Super Breakout) و سينتيبيد (Centipede). هذا البرنامج راح يشتغل مع اجهزة اللياقة الاخرى مثل جهاز فيتبيت (Fitbit)، جاو بون (Jawbone)، اندرويد ويت (Android Wheat)، ابل هيلث (Apple Health) و قوقل فت (Google Fit).
مبدئيا البرنامج راح يحتوي على اكثر من 100 تمرين، و اكثر من 30 خطة رياضية. كل ماتكون بصحة افضل راح تجيك نقاط اكثر تقدر تفتح بها العاب او تستخدمها لشراء ادوية من صيدليات والقرينز (Walgreens) فقط. البرنامج مجاني وتم تطويره من ستديو 8BitFit وهذا الاستديو متخصص بتطوير العاب لياقية، وايضا اشتغل على التطبيق الاستديو الفائز بجائزة افضل استديو انتاجي وهو ستديو جيم ثيوري (Gametheory).
قال فريد تشينزايز (Fred Chensais) الرئيس التنفيذي للاتاري: “مع برنامج اتاري فيت، كل لاعبين العالم راح يقدروا يتمرنوا، ويلعبوا و يصيروا صحيين مع بعض من خلال تقديمنا لتجربة جديدة وهي تجربة الالعاب الرياضية الغير متوفرة في اي برنامج حالي للجوالات، مع حاجة العالم الموحدة للتمارين و للعيش بشكل صحي اكثر راح نقدم تجربة ممتعة و مميزة للحصول على العاب الاتاري. احنا طورنا برنامج جديد يثبت ان اللياقة تقدر تحصل عليها عن طريق المتعة”
اشوف ان اتاري وصلت لمرحلة عالية من الاحباط، تسوي برنامج رياضي وانت متخصص بالالعاب و تبغا الناس يجربوه ويتمرنوا وهم مبسوطين! مااعتقد ان الخلطة هذي ناجحة واللي يبغا يرفع لياقته راح يلقى مليون طريقة افضل من انه ينزل برنامج ويتبع تعليماته والمحفز هو لعبة اتاري. وايضا مانعرف موعد اصدار البرنامج.
اش رايكم بالخبر وبالبرنامج تبع اتاري؟
