تحديث: بعد عصافة الانتقادات اللي صارت ليوبيسوفت بسبب تصريحها الأخير، أطلقت يوبيسوفت تصريح رسمي:
“حسب ما فهمنا، تم فهم تصريح المنتج فينسينت بشكل خاطئ. عشان نوضح لكم الأمر، ترانا ما خفضنا جودة اللعبة بسبب ان فيه جهاز أضعف من الجهاز الثاني. لعبة اساسنز كريد يونيتي تم تطويرها على الأجهزة المنزلية الجديدة بشكل كامل.
خلال السنوات الأربع الماضية، اشتغلنا على يونيتي عشان نوصل لأعلى مستوى ممكن من الجودة على اكس بوكس بون، وبلاي ستيشن 4، وبي سي.”
المحتوى الأصلي للموضوع:
أعلنت Ubisoft اليوم عن قرارها لتوحيد المواصفات التقنية للعبتها الجايه أساسنز كريد يونيتي على اكس بوكس ون وبلاي ستيشن 4، والهدف من هذا تفادي الجدل اللي يصير بين اللاعبين.
يقول منتج يوبيسوفت Vincent Pontbriand: “قررنا نخلي النسختين تشتغل بنفس المواصفات التقنية عشان نتفادى الجدل. مواصفات الأجهزة المنزلية قوية جدًا، لكن طريقة معالجة الذكاء الاصطناعي وعدد الشخصيات (اللي ما يتحكم فيها اللاعب) اللي يقدر يظهرها على الشاشة في نفس الوقت، كل الجهازين متساوية من هذي الناحية”.
تكلّم فينسينت برضه عن المعالجات في الأجهزة المنزلية الجديدة، وقال انهم ما قدروا بسببها واضطروا يخلون اللعبة تشتغل بهذي المواصفات التقنية، اللي ممكن ما ترضي لاعبين بلاي ستيشن 4 بالذات. ذكر مره ثانية فينسينت ان الذكاء الاصطناعي هو السبب في انهم ما قدروا يوصلون اللعبة الى 60 فريم في الثانية.
يوبيسوفت ما تدري ان قرارها هذا اللي “تحاول” انها تبعد فيه عن الجدل راح يحطها على طاولة الجدل، وأقدر أتصوّر غضب اللاعبين عليها، بحيث الكثير بيقول ان بلاي ستيشن 4 ممكن يشغّل اللعبة بمواصفات أعلى من كذا، وبكذا تم تنزيل مواصفات اللعبة على بلاي ستيشن 4 بس عشان تشتغل بشكل متساوي تقنياً مع اكس بوكس ون.
