مشاكل تقنيّة كثيرة في لعبة Assassin's Creed Unity، ونزول تحديث احتمال يصلحها

نزلت أساسينز كريد يونيتي في السوق الأمريكي (وتسربت لأسواقنا بدري)، وطلعت أنباء عن أخطاء شنيعة في اللعبة.

من الأخطاء اللي لاحظوها الناس هبوط كبير في اطارات اللعبة، بحيث تصير اللعبة بطيئة مرة، أخطاء تقنية كثيرة، بعض مواد اللعبة (مثل الأشجار وغيرها) تطلع بشكل مفاجئ على الشاشة، وغيرها. المشاكل موجودة على كل الأجهزة، واللي هي بلايستيشن 4، اكس بوكس ون، بي سي.

التحديث اللي نزل اليوم (حجمه حوالي 1 جيجا) المفروض انه يحل هالمشاكل، ولو ان يوبيسوفت الى الآن ما صرّحت بأي شي رسمي بخصوص التحديث، ولكن بعض اللاعبين قالوا ان المشاكل انحلت بعد التحديث.

شفت بعض متابعينا يتكلمون عن التحديث، اذا عندك اللعبة ونزلت التحديث علمنا وش صار معك في التعليقات.