محمد الشريف
اليوم يوم مميّز للاعبين الكمبيوتر (PC) في السعودية، وفي المنطقة العربية بشكل عام. طال انتظار هذا الاعلان الرسمي سواءً من اللاعبين أو حتى من Valve نفسها، الشركة اللي سوّت ستيم.
أعلن اليوم الموقع الزميل، موقع تاكو للألعاب، عن توفر بطاقات ستيم (Steam Wallet Vouchers) بأسعار معتمدة من Valve في المتاجر السعودية وأيضاً في المنطقة العربية، من موقع تاكو للألعاب. موقع تاكو للألعاب الآن أصبح موزع رسمي لكروت ستيم في المنطقة العربية.
تقدر تشتري الكروت باستخدام بطاقة ون كارد (One Card)، وهي متوفرة في هالمحلات في السعودية، بدون ما تحتاج الى بطاقة ائتمان أو غيره.
الحلو في الموضوع ان شركة Valve حطت حد أقصى للأسعار اللي ممكن تنباع فيها بطاقات ستيم في منطقتنا، الأسعار هي:
- بطاقة شحن الحساب بقيمة 20 دولار: 82 ريال.
- بطاقة شحن الحساب بقيمة 50 دولار: 203 ريال.
- بطاقة شحن الحساب بقيمة 100 دولار: 406 ريال.
الأسعار بيتم مراقبتها عن قرب من موقع تاكو للألعاب، اذا لاحظت أي ارتفاع غير مقبول في السعر لأي بطاقة، بامكانك تتواصل معهم عن طريق حسابهم على تويتر. وللأمانة، أمس كنت مع عبدالله حامد، صاحب موقع تاكو للألعاب، وذكر لي ان وصله خبر من متجر رفع السعر. تواصل معهم على طول وانحلت الاشكالية ورجّع السعر الطبيعي.
شحن الحساب في ستيم كانت شغلة متعبة لكثير من لاعبين الكمبيوتر، خصوصاً للناس اللي ما عندهم بطاقات ائتمان. الآن الشغلة صارت أسهل بكثير.
وش رايك بخطوة موقع تاكو للألعاب وتوفيرهم للبطاقات للاعب العربي؟ وهل تعتقد ان الخطوة هذي بتزيد عدد اللاعبين العرب على ستيم؟ شاركنا برأيك في التعليقات!
احمد خالد
