محمد الشريف
واحد من المحظوظين في موقع Engadget، راح لحدث مسوينه سوني للناس عشان يفحصون البلاي ستيشن 4 ويشوفونه بأداءه “الاعتيادي” اللي بتشوفه فيه كل يوم.
لاحظ سبع أشياء دقيقة شوي لكنها مهمة، وحبينا نجيبها لكم نناقشها معكم في مقالة اليوم. تمت معظم الترجمة من فيصل المعمري على مجتمعنا في جوجل بلس.
المحادثة الجماعية (Party Chat)
بامكان ثمان أشخاص يدخلون المحادثة الجماعية ويسولفون معى بعضهم حتى لو كانوا يلعبون ألعاب ثانية أو داخلين برامج ثانية (مثل الاكس بوكس 360 تقريباً)، ولكن الزيادة في هذا ان بامكان أصحاب البلاي ستيشن فيتا (PS Vita) يدخلون معك في المحادثة!
بالاضافة الى هذا كله، اذا صار عندك أصدقاء كثيرين فبامكانك تسوي أكثر من غرفة للمحادثة الصوتية، ويعني هذا ان بامكانك تكون موجود في غرفتين محادثة صوتية او أكثر. هل بتقدر تسولف في الغرفتين في نفس الوقت؟ ما أتوقع، لان لو افترضنا ان واحد داخل محادثتين جماعية، وفي واللاعبين الموجودين في المحادثتين يلعبون أونلاين ضد بعضهم، فاحتمال ان الواحد هذا ينقل معلومات للفريق الثاني وبكذا يصير غش.
البث المباشر (Broadcasting)
من أكثر الميزات اللي سوولها دعاية. الجديد هنا ان بامكانك تختار هل تبغى تشغل المايكروفون حقك وتخلي الحاضرين يسمعون صوتك وانت تلعب او لا، برضو بامكانك تمنع التعليقات او تسمح للناس بكتابتها.
زر PS Home تقدر تضغطه مرتين ورا بعض ويرجع لآخر تطبيق كنت تستخدمه!
هذي أظنها أفضل حركة. دائماً في الدعايات أشوفهم يضغطون زر PS Home مرتين ورا بعض ويجيبون لك في الشاشة انه انتقل من اللعبة اللي كان يلعبها الى تطبيق ثاني. الحين عرفنا معناة هذي الحركة بعد ما كنت أحسب ان الضغط مرتين ورا بعض يوديك الى تطبيق معيّن ما تقدر تغيره.
خلنا نفترض انك كنت تلعب وفجأة قررت انك تبغى تشوف فيديو او تشغل متصفح الانترنت عشان تشوف شي. اذا خلصت من الفيديو أو المتصفح، بدال ما تضغط زر PS Home وترجع للقائمة الرئيسية بعدين تختار اللعبة مرة ثانية، بامكانك تضغط زر PS Home مرتين ورا بعض وتلقى نفسك رجعت للعبة على طول!
هذي الحركة من جد خلتني أحس ان سوني اشتغلت شغل ممتاز من الناحية البرمجية للجهاز (software). ذكرتني بحركات أنظمة الجوالات المتقدمة.
ميزة اللعب على شكل ضيف Play As Guest
بامكانك تكون المستخدم الأساسي في جهازين PS4، ولكن لو تبغى تسجل دخول في أجهزة أكثر ايش تسوي؟ بعد ما يتسجل ان عندك جهازين اساسية مسجل الدخول فيها، أي تسجيل دخول على جهاز جديد بعد كذا راح يسجلك على انك زائر أو ضيف. هذي الميزة تعطيك أشياء رهيبة، أهم شي فيها انك أول ما تسجل خروج راح يمسح كل شي بشكل تلقائي.
أخيراً افتكينا من مشكلة تنشيط وإلغاء الحسابات اللي كنا نعاني منها مع البلاي ستيشن 3.
بعض الاضافات في التروفيز (Trophies)
وانت تستخدم البلاي ستيشن 4، بامكانك تشوف التروفيز اللي جبتها على البلاي ستيشن 3 وعلى الفيتا. برضو، فيه اضافة جديدة وهي مدى ندرة التروفي. هذي الاضافة توريك كم لاعب في العالم جاب تروفي معيّن. اذا جاك تروفي، بامكانك تشوف هل كثير من اللاعبين جابوا هذا التروفي ولا انت وقليلين اللي جابوه؟
بامكانك تشحن اليد والجهاز طافي!
أصحاب الاكس بوكس يعتبرون هذي الميزة قديمة مرة، ولكنها ميزة جديدة لاصحاب البلاي ستيشن. مع البلاي ستيشن 4، بامكانك تشحن اليد والجهاز طافي، أو في وضعية Standby Mode -وضعية السبات على قولة ويندوز-
ميزات بسيطة، لكنها تضيف اضافة كبيرة على تجربتك مع الجهاز. وش رايك أنت في الاضافات؟ شاركنا برأيك في التعليقات!
احمد خالد
بارعة